Saga hljómsveitarinnar

esjaminni

Saga
Skólahljómsveit Grafarvogs hóf starfsemi 1992 sem sérverkefni á vegum Skólaskrifstofu
Reykjavíkur, en var formlega stofnuð 21. mars 1993. Hún hafði frá upphafi haft aðsetur í
Foldaskóla og var ætlað að sinna nemendum í Grafarvogi. Stofnandi og stjórnandi frá
upphafi var Jón E. Hjaltason. Núverandi stjórnandi sveitarinnar er Einar Jónsson
(byrjaði 1.ágúst 2007) sem hægt er að hafa samband við hér. Skólahljómsveit
Grafarvogs stóð fyrir landsmóti Samtaka Íslenskra Skólalúðrasveita í Grafarvogi árið 1997
og aftur 2004. Hljómsveitin gegnir þýðingarmiklu hlutverki í menningarlífi Grafarvogs og var
fulltrúi Reykjavíkurborgar á tónlistarhátíð evrópskra ungmenna árið1996. Þá hefur hún leikið
í Portúgal, Noregi, Lúxemborg og Ungverjalandi, aftur Noregi, Þýskalandi og Spáni.
Sveitin skiptist í þrjár sveitir og er skipuð liðlega eitt hundrað nemendum.